250
Incident une vore grâf, intal dopomisdì, a Savorgnan di San Vît dal Tiliment, dilunc vie Sante Petronilla. Par resons ancjemò di sclarî si son dâts dentri un auto e une moto.
Intal impat, une femine di plui o mancul 50 agns che si cjatave in siele ae moto e je finide sot de veture. A nuie no son servîts i sfuarçs dal personâl sanitari, rivât sul puest cun ambulance e elisocors. Nol è restât altri di fâ che declarâ la muart de femine che e vuidave la moto.
Traumis no grâfs pal om al volant, che dut câs al è stât puartât in ospedâl. (ADG) – 8.11.2022
