Incident mortâl a Marian par un scuintri tra un scooter e une machine

Vuê di matine a Marian, in vie Palmanova, la strade che e puarte bande dal centri dal paîs si son dâts cuintri un scooter vuidât di un om di 52 agns di Vilès e une machine cun dentri doi citadins bengalês.

Sul puest a son rivâts daurman l’elisocors e une ambulance de Crôs verde gurizane, ma il personâl sanitari nol à podût fa nuie altri che declarâ la muart dal om che al vuidave il scooter. I doi mieçs a son stâts metûts sot secuestri. Su lis causis dal incident a stan investigant i carabinîrs di Gardiscje. (a.d.g.) – 15.10.2025