Incident mortâl a Cussignà tal dopomisdì

Al è muart daspò di un scuintri frontâl cuntun camion che al rivave de bande contrarie Stefano Sbisà, di 44 agns, che al viveve a Pavie di Udin e al jere titulâr de edicule di Cussignà.

La sô auto dopo il bot e je finide sot dal mieç pesant. Pal om nol è stât nuie ce fâ: sul puest a son rivâts daurman i pompîrs e il personâl dal 118 che al à cirût di rianimâlu, ma ducj i tentatîfs a son stâts dibant.

Inte zone al è il secont incident mortâl parcè che domenie passade dilunc de tangjenziâl al jere muart un om di 68 agns jessût di bessôl di strade. (a.d.g.) – 09.07.2024