137
Tor des 9 e 40 di vuê di matine al è stât un incident stradâl brut dilunc dal racuardi autostradâl 13 bande Triest. Ae altece di Sgonico si son tamponâts une auto, un furgon e un camion. Sul puest a son rivâts daurman i Vigjii dal fûc di Opicine e i sanitariis che a àn lavorât par lunc timp par tirâ fûr de machine lis dôs feminis feridis in maniere grivie, di 41 e 80 agns, plui al è un altri ferît, il vuidadôr dal furgon che al è saltât fûr di bessôl dal mieç.
La strade e je stade sierade par dut il timp dai socors e a son stâts une vore di incomuts pe circolazion. (a.d.g.) – 09.07.2025
