27
Incident stradâl brut vuê sul cricà dal dî dilunc de Pontebane a Çopule. Tor des sîs dôs autos si son dadis cuintri, forsit par cause di une precedence mancjade. Il bot al è stât pardabon fuart e une des dôs machinis e je lade fûr strade tirant jù la cente de Industrie Ilpea.
I doi vuidadôrs a son stâts socorûts dal personâl dal 118 e puartats tal ospedâl di Pordenon, judats dai vigjii dal fûc rivâts daurman sul puest. La strade e je restade blocade fintremai des 8 e a son stâts ralentaments fuarts fin a chê ore. (a.d.g.) – 05.02.2026
