Incident a Savogne dal Lusinç, om blocât dentri di un motocjar

Tor des 11 di matine di vuê, a Savogne dal Lusinç, si son dâts cuintri un piçul motocjar e un furgon. I vigjii dal fûc rivâts di Gurize a àn scugnût lavorâ par taiâ i lamarins e liberâ il vuidadôr dal motocjar, restât blocât dentri dopo che il mieç si jere ribaltât suntun flanc.

L’om al è stât tirât fûr cul jutori dai sanitaris rivâts sul puest adun cun pompîrs e carabinîrs. La strade daspò e je stade netade e metude in sigurece. (a.d.g.) – 16.02.2026