Incident a Marian, une femine e un minôr blocâts dentri di une auto

Tor misdì e mieç di vuê a Marian incident stradâl tra dôs autos, che une e je lade a sbati cuintri dal mûr di cente di une abitazion.

Rivâts sul puest adun cul personâl dal 118 i pompîrs a àn cjatât dôs personis blocadis dentri de auto lade cuintri dal mûr. Daspò vê metût in sigurece la machine e metût in vore argagns par prevignî la ativazion dal airbag, a àn tacât a taiâ i lamarins par tirâ vie il sportel sul lât dal volant e a tirâ fûr i ferîts in colaborazion cui infermîrs che a àn curat ancje il vuidadôr de chê altre auto.

Sul puest par controlâ il trafic e fâ i rilêfs ancje i carabinîrs. (a.d.g.) – 24.03.2026