In miârs dal Friûl a Rimini pai Alpins

9/05/2022 – E je partide puntuâl aes 9 di domenie la sfilade dai Alpins a Rimini, in ocasion de 93esime Adunata Nazionale. Miârs lis personis che za di prime matine a spietavin il passaç des Penis Neris dilunc dal percors di doi chilometris.

Dopo doi agns di stop, a son plui o mancul otante mil i alpins incuadrâts intai rancs des 80 Sezions de Italie e 30 dal mont che a àn volût jessi presints. In miârs a son rivâts ancje des vot sezions dal Friûl-Vignesie Julie – Cjargnele, Glemone, Cividât, Palme, Udin, Pordenon, Triest, Gurize – par rivivi la emozion di cjatâsi, ma ancje pal impuartant ‘passaç di consegnis’, dal moment che Udin al ospitarà l’apontament dal 2023. MR