Implants fotovoltaics pal Ateneu dal Friûl, la bolete jù dal 30 par cent

da Alessandro Di Giusto

I cuatri gnûfs implants fotovoltaics che l’Ateneu al à instalât, insiemi ai intervents di eficientament energjetic, a fasaran sparagnâ ae Universitât dal Friûl il 30 par cent di consums eletrics. La operazion e je stade pussibile in graciis de poie de Regjon Friûl-Vignesie Julie. I implants fotovoltaics, di potence complessive di plui o mancul 850 kilowattore, a evitaran la emission di 900 toneladis par an di anidride carboniche inte atmosfere, tant che un implant di plui di 800 arbui. I intervents a jentrin intal plan di ricualificazion e di manutenzion dai implants tecnologjics e energjetics di ducj i edificis dal Ateneu realizât in colaborazion cul grup Engie Spa.

“L’Ateneu – al sclarìs il retôr Roberto Pinton – al à inviât un percors virtuôs di ricualificazion energjetiche par ridusi l’impat che lis diviersis ativitâts a compuartin sui consums. Cun chestis iniziativis o vin chê di miorâ ancjemò di plui la dotazion infrastruturâl de Universitât”. (a.d.g.) – 14.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui