65
L’edifici che fin dal 2008 al faseve di ospedâl in vie Vittorio Veneto a Gurize al sarà sdrumât il prossim an, dentri de fin di Zenâr. Al è chest il program dal Edr che al darà il vie ai lavôrs par tirâ jù dut vie pal Istât.
Al puest dal vecjo complès al sarà realizât il gnûf grant campus scolastic che, su la fonde des intenzions di Regjon e Comun, e a dispiet de oposizion di un Comitât di citadins e dai docents dal Istitût Galilei, al darà acet al gnûf edifici dal istitût tecnic Galilei – Fermi – Pacassi, cuntun cost di 19,5 milions di euros.
L’intervent di sdrumament al previôt ancje la bonifiche dal amiant e la realizazion di un parc che al sarà doprât dal campus scolastic. (a.d.g.) – 24.04.2025
