Al è stât puartât vie de Stazion di Pueste di Udin par afidâlu al Pront socors psichiatric il vandal, un citadin forest, che intai ultins mês al à fiscât almancul une trentine di machinis parcadis, furgons e buteghis. Il gnûf tentatîf di ricoverâlu al rive dopo chel za fat cualchi zornade indaûr, cuant che l’om si jere slontanât dal ospedâl parcè che si jere stufât di spietâ.
“Al è stât individuât il sogjet presumût responsabil dai danezaments tes machinis e lu vin puartât te Stazion di Pueste – e à displeât l’assessôr ae Sigurece partecipade, Rosi Toffano -. Daspò o vin clamade une ambulance che lu à puartât tal Pront Socors psichiatric. O speri che cheste volte al sedi visitât”, par dopo sotlineâ che al sedi ancjemò di sclarî se i ultins fats a sedin colpe sô o di cualchidun che lu à emulât”. (a.d.g.) – 15.07.2026
