Il lunc Istât cjalt de Polizie feroviarie in Fvj

da Alessandro Di Giusto

Controladis 30.710 personis, siet arescj e 72 indagâts, cence dismenteâ 68 multis par diviersis violazions aministrativis. La Polizie Feroviarie dal Friûl Vignesie Julie e à impleât 2.383 patuliis in stazion e tal tren, par vuardiâ su la sigurece dai viazadôrs dulinvie de stagjon estive. A son stâts monitorâts 659 trens e controlâts 1.246 veicui. Chescj i numars dal impegn de Polfer di Jugn ae prime setemane di Setembar, periodi caraterizât di un aument impuartant dai viazadôrs, dopo de pandemie. I agjents a son stâts impegnâts ancje in zornadis di controi straordenaris, disponudis dal Servizi Polizie feroviarie su dut il teritori nazionâl: cuatri operazions “Oro Rosso” (smicjait al contrast des robariis di ram in ambit feroviari), cuatri “Rail Safe Day” (par prevignî compuartaments scorets in stazion) e trê “Stazioni Sicure”. (ADG) – 13.09.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui