Il grant sec: la mape dal discomut

Il Consorzi di bonifiche de planure furlane al à esaminât il moment critic par destinâ lis adeguadis cuintrimisuris. Il deficit idric intal comprensori dal consorzi si sta ancjemò di plui agravant. la assence di temporâi intal bacin di mont dal Tiliment al à fat necessari un aument progressîf des consegnis dal serbatori de Ambiesta de bande di A2A, cuntun aument probabil intes prossimis zornadis, simpri che no rivedin eventuâi temporâi che a podaressin slizerî la situazion almancul in part. Tra lis situazions plui critichis: la puartade derivade a Ospedâl di Glemone, dulà che a son stâts sierâts cierts canâi, e la derivazion de Tor a Çumpite, che e alimente Udin. Za sute la roie Cividine e il Roiel di Pradaman. Inte Basse, la situazion plui critiche si cjate inte aree ocidentâl, jenfri Rivignan e Pucinie. (A.I.) – 19.07.2022