Inte matinade di vuê, personâl de Polizie Aministrative e di Sigurece e dal Ufici Prevenzion Gjenerâl e Socors Public de Cuesture di Pordenon a àn eseguît il proviodiment di sospension disponût dal Cuestôr, cuintri dal esercizi public “Bar Tom Felix” a Pordenon.
Dopomisdì di joibe ai 16 di Fevrâr, dôs patuliis a jerin intervignudis dongje il locâl dulà che e jere in cors une barufe tra clients. Sul puest i agjents a vignivin svicinâts di un zovin cuntune feride al cjâf, che al riferive che pôc prime, dopo une discussion cuntun client cjoc, al jere sbrissât a tiere colpint cu la muse il cjanton dal banc. I poliziots duncje a vevin svicinât la persone cjoche in maniere clare che e lave indevant a vosâ cuintri i presints.
Aciertât che la barufe e jere stade causade dal alçât tas alcolic des personis coinvoltis e che i esercents dal bar no vevin domandât l’intervent des fuarcis dal ordin e che za in passât si jerin verificâts episodis analics gjenerant inte popolazion un sens fuart di insigurece e alarme sociâl, il Cuestôr al à disponût la sospension de ativitât dal bar par cuindis dîs. (A.D.G.) – 21.02.2023
