Il cjalt al reste, ma a rivin burlaçs

A son previodûts par doman bulaçs ancje fuarts a nivel locâl, cun aiaron, su dute la regjon. Su la fonde des previsions dal osmer, la Protezion civîl regjonâl e à pandût une alerte zale, tacant dal misdì e fintremai des nûf sot sere di miercus ai 27 di Mai.

Il brut timp al sarà puartat de rivade di corints plui frescjis e umidis di Nord Ovest, intant che l’anticiclon si spostarà bande il Sud.

Ploie e je previodude soredut tal dopomisdì, tacant de mont e plui tart sul plan e cun mancul probabilitât su la cueste. (a.d.g.) – 26.05.2026