Identificadis lis trê zovinis rapinadoris intun supermarcjât di Buie

da Alessandro Di Giusto

I Carabinîrs dal Nucli operatîf de Compagnie di Tumieç, gracie ancje al jutori dai coleghis des Stazions di Buie e di Mortean, a son rivâts a identificâ trê feminis zovinis, za cognossudis aes fuarcis dal ordin, ritignudis responsabilis di une robarie di gjenars alimentârs fate ai 23 di Març passât intal supermarcjât Visotto inte zone culinâr, che dopo si è trasformade in rapine.

Chê dì, lis trê fantatis, dopo vê jemplât il carel de spese cuntun impuartant cuantitatîf di cjar e altris gjenars alimentârs par un valôr di plui o mancul 300 euros, a jerin rivadis a lâ fûr di un varc secondari dal supermarcjât, cjariant dut suntune utilitarie. A jerin stadis però viodudis di une comesse che e veve cirût di blocâlis e di recuperâ il malcjolt, ma che e jere stade costrete a tirâsi in bande par evitâ di jessi cjapade sot de conducente de utilitarie che e jere rivade dopo a scjampâ cu lis dôs complicis. Lis feminis zovinis, di etât tra i 18 e i 23 agns, residentis in provincie, a son stadis denunziadis in stât di libertât ae Procure de Republiche di Udin. (A.D.G.) – 13.04.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui