I zovins a tornin tai cjamps

A pet di prime de pandemie al segne un belanç di +19.000 unitâts il numar dai zovins cun mancul di 34 agns impleâts in agriculture in Italie intal 2022. Al è cetant che al aferme la Coldiretti su la base dal focus “La dinamiche de ocupazion zovine” dal Istat sul marcjât dal lavôr intal secont trimestri dal 2022. In plene pandemie, il numar di imprenditôrs agricui zovins al è cressût dal 8% intai ultins 5 agns, in cuintritindince nete a pet dal andament gjenerâl de economie. La pandemie e à acelerât il fenomen di tornâ ae tiere e la convinzion comune che lis campagnis a sedin vuê buinis di ufrî oportunitâts ocupazionâls e di cressite professionâl, destinadis a cressi intal timp: “Cumò al covente tignî sù il sium di tancj zovins – al dîs la leader dai zovins de Coldiretti, Veronica Barbati – che cumò a vuelin invistî il lôr avignî intes campagnis, butant jù i ostacui burocratics che masse dispès si metin di mieç”. (V.V.) – 13.09.2022