A son stâts scoltâts vuê de judiç pes indagjins preliminârs i trê rapinadôrs arestats vie pe gnot dai 5 di Avost passat de Polizie di Stât che ur stave daûr.
I trê a vevin di pôc rapinât une siore di 92 agns e le vevin sierade te stanzie di liet a Merêt di Tombe, inte frazion di Savalons, ma no savevin che i agjents, cun dôs patuliis, ju stavin controlant di lontan. Pôc dopo che a vevin fat il colp ju àn blocats cjatant zoiis e imprescj par vierzi puartis e barcons.
La acuse e je di rapine ingriviade e je stade fate cuintri di doi residents a Udin, Goan Battusi di 24 agns e Massimo Hudorovich di 48 agns, intant che il tierç di 22 che si clame Steve Fezza al è a vivi intun paîs dongje Udin.
Ducj e trê a àn rispuindût aes domandis de judiç Camilla Del Torre e à an ametût lis lôr responsabilitâts. Par di plui, un di lôr al à ancje confessat di vê robât di une altre bande.
Cumò si spiete la decision dal Gip. (a.d.g.) – 06.08.2026
