Ancje in Fvj vuê i students a son tornâts in place, cheste volte no pal clime, ma par domandâ al Guvier plui atenzion ae istruzion. A Udin, la manifestazion e à regjistrât un corteu di plui di 150 zovins, tra fantats des superiôrs e de Universitât, che, dal centri studis, al è rivât in place I Maggio, dulà che si son tignûts i intervents.
Tantis lis domandis al Esecutîf Meloni, dal dirit al studi al stop ae alternance scuele-lavôr, dal benstâ psicologjic a plui rapresentance, cence dismenteâ la dibisugne di intervents su la edilizie scolastiche. “Di mês o stin organizant assembleis publichis par discuti des problematichis de scuele. Il sisteme al va cambiât: la scuele e à di tornâ al centri dai programs de politiche, al bisugne invertî la tindince al definanziament dai savês” a an declarât i coletîfs studentescs. (ADG) – 18.11.2022
