I carabinîrs a àn cjapât altris doi fraudadôrs

Un abrucês di 51 agns e un napoletan di 50 a son stâts blocats dai carabinîrs intant che a jerin in fuide daspò ve fraudât une puare femine di 93 agns.

I doi delincuents, doprant la fraude dal carabinîrs fals a vevin rivât a puartâ vie ae siore di Pasian di Prât zoiis e bêçs par un valôr di passe 16 mil euros fasint crodi ae vitime che il nevôt al ves fat un reât.

In graciis des investigazions fatis daurman dai carabinîrs e de Polizie di Stât, i doi malvivents a son stâts blocâts il prin  dilunc de autostrade  tra Padue e Bologne e il secont intant che si cjatave sul tren ae volte di napoli, cun intor dute la robe puartade vie, che e je stade tornade ae vitime. (a.d.g.) – 11.06.2026