Passe 30 grams di hashish a jerin platâts in doi sacuts di alumini metûts intal banc, intune cuntun belancin di precision. Trê dosis di cocaine, 0,8 grams in dut, a jerin platadis invezit dentri dal Pos.
A son i risultâts de percuisizion fate dai oms de Squadra Mobile di Udin intal Zam Zam Kebab di vie Battistig, a Udin, ativitât che i investigadôrs a pensin che e fos un parevint pal spaç di droghe. Il titulâr dal locâl, un pakistan di 39 agns resident in citât, al è stât arestât e la buteghe mitude sot secuestri. La scuvierte de ativitât ilegâl e je stade fate miercus di sere, dilunc dai controi in Borc Stazion volûts dal gnûf cuestôr Alfredo D’Agostino. A cjatâ la droghe e je stade une des dôs unitât cinofilis de Polizie locâl dopradis tai controi. (A.D.G.) – 13.08.2022
