Gurize: bus a gratis par visitâ i lûcs simbolics

Di vinars ai 18 di Avrîl e fint ai 31 di Mai dal 2026, un servizi sore nuie al colegarà i lûcs simbul di Gurize, lant daûr di un percors a anel. Une iniziative pussibile in graciis dal progjet “Mil agns di storie al centri de Europe: Borc Cjistiel crosade di popui e culturis”. Intal plen des celebrazions che le viodin condividi cun Gnove Gurize il titul di Capitâl europeane de culture, la citât di Gurize e inricjìs la propueste turistiche cuntune iniziative che e coniughe mobilitât dolce, valorizazion dal patrimoni culturâl, storic e artistic e fruizion acessibile. Par passe un an, un minibus al acompagnarà citadins e visitadôrs a gratis ae scuvierte di Borc Cjistiel e dai lûcs plui significatîfs de citât, cun partence de Puarte Leopoldine e fermadis ‘strategjichis’ par visitâ ancje i museus. (A.I.) – 17.04.2025