Dongje dal misdì di vuê un grues avion pal traspuart militâr tatic, di costruzion americane al è svolât plui voltis pluitost bas e cun pocje velocitât parsore de zone culinâr dal Friûl.
L’avion, un cuadrimotôr a reazion, al è stât identificât tant che un C17, che al lavore pe Heavy Airlift Wing (HAW), struture militâr cun base in Ongjarie e che dentri a son i esercits di une vore di Paîs europeans e ancje chel dai Stâts Unîts. Lis marchis dal avion a jerin chês de Ongjarie, ma a comandâ chest grup al è un uficiâl american.
Il fat di viodi svolâ chest besteon al à dât un pôc di pinsîr, ancje par vie des dimensions e dal rumôr che al faseve, che a cualchidun al visave chel di une trebie in vore fûr stagjon, tant plui che l’avion al svolave une vore planc, come se al ves di cjapâ tiere. (a.d.g.) – 18.02.2026
Grues avion militâr al svole bas su la zone culinâr
53
