Grave une anziane cjapade di une flamade a Purcie

da Alessandro Di Giusto

Une anziane, residente a Purcie, e à ripuartât ustions tant gravis dopo vê cirût di saborâ la stue cun alcul, ma e je stade assaltade di une improvise tornade di flame.

L’incident domestic si è verificât in vie San Rocco. La vitime, une femine di cuasi 90 agns, forsit no si è rindude cont dal pericul che e jere daûr a cori intal doprâ il licuit inflamabil. Propit provant a saborâ la stue di cjase, la siore e je stade cjapade di une improvise flamade che i à provocât ustions tant gravis inte part superiôr dal cuarp, in particolâr a muse e mans.

In vie San Rocco a son rivâts i socoridôrs cuntune ambulance che, dopo vê fat lis primis curis ae femine, le àn trasferide intal ospedâl Sante Marie dai Agnui di Pordenon.

Cumò la paziente si cjate ricoverade intal repart di Terapie intensive, ma i miedis, viodude la situazion, a son daûr a destinâ il so trasferiment intun dai Centris grancj ustionâts dal Nord Italie, a Padue o a Cesena. Al sarà un trasferiment tant complicât, no dome pe etât de femine, ma in mût particolâr pes ustions gravis che e à patît. (a.d.g.) – 09.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui