Grant lavôr dai carabinîrs dilunc dal fin de setemane in Provincie di Udin

Tal fin de setemane passât il Comant provinciâl dai carabinîrs di Udin al à decidût di fa une schirie di controi straordenaris sul teritori par prevignî i reâts cuintri dal patrimoni e controlâ la circolazion su lis stradis.

Cetantis lis patuliis in azion su dut il teritori che e àn controlat 85 personis e 70 machinis. Ae fin a son stâts denunziâts doi oms di 32 e 37 agns par jessi lats fûr di cjase cundut che a jerin ai arescj domiciliârs e, in graciis dai controi fats dai oms dal Nucli ispetorât dal lavôr a son stadis cjatadis violazions ancje grivis in trê esercizis comerciâi. Di visâsi il fat che dilunc dai controi fats tal mês di Zenâr a son stâts cjatâts 15 cjocs ae vuide di une machine. (a.d.g.) – 03.02.2026