A je stade une grande barufe îr sot sere tal centri di Pordenon, inte zone tra viâl Oberdan e vie Mazzini che di timp e jere cuiete. Almancul cuindis zovins a son cjapâts dentri. Dut al sarès tacât in vie Gorizia e al sarès finît pôc lontan dal Hotel Minerva. In vie Mazzini une agression violente tra il Mixmarkt e il Cafè Arbat che in chel moment al jere sierât. Des telecjamaris di control si viodin i zovins che si dan doprant lis cjadreis dal bar, tant che un di lôr restât ferît al à cjatât ripâr tal negozi fintremai cuant che no je rivade la Polizie e il personâl sanitari.
Doi i zovins restâts ferîts in chê che e somee une spedizion punitive, filmade di une vore di int che e je a vivi in chês viis cul telefonin, intant che sui marcjepîts a son restadis cetantis maglis di sanc. (a.d.g.) – 19.09.2025
