Iregolaritâts gravis par siet impresis edîls intal Friûl orientâl

Sîs impresis edîls de ex provincie di Gurize a son stadis sospindudis dai Carabinîrs dal Nucleo ispetorât dal lavôr par violazions gravis in materie di salût e sigurece. Une setime dite e je stade, invezit, fermade parcè che tra i siei dipendents al jere un lavoradôr in neri.
Lis iregolaritâts a son saltadis fûr in siet des 12 ditis controladis dai militârs e a àn puartât a contestâ 11 violazions e a fâ sanzions par 70 mil euros. I inadempiments cjatâts tra i cantîrs atîfs a Gurize e a Roncjis di Monfalcon a rivuardavin soredut carencis di igjiene, implants eletrics iregolârs e armaduris no a norme, cun materiâi prominents o vueits pericolôs tra lis armaduris. (ADG) – 23.11.2022