Grâf infortuni sul lavôr vuê di matine a Gurize

da Alessandro Di Giusto

Un operari di 58 agns di Gonârs al è colât di une altece di plui o mancul 6 metris dilunc di un lavôr di ricualificazion dai bastions dal cjistiel.

L’om al jere in vore sui parepets cuant che, par causis sot investigazion, al à pierdût l’ecuilibri. A ferîsi il dipendent di une imprese furlane che e sta lavorant intal cantîr dal cjistiel e dal ex Teatro tenda, che si cjate li dongje: l’om, dal 1966, al è di Gonârs e al è stât puartât in svol cul elicotar intal ospedâl di Cattinara di Triest. Lis sôs condizions a son gravis, ma nol sarès in pericul di vite. Sul puest e je rivade subite dopo l’incident une rapresentance sindicâl de Feneal Uil Fvg, li che il lavoradôr al è iscrit.

Il cantîr indulà che l’operari al stave lavorant si cjate intune aree di proprietât publiche: l’obietîf dal Comun, di fat, al è chel di fâ tornâ di gnûf doprabil il sît par Go!2025. (a.d.g.) – 21.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui