Infortuni seri sul lavôr a Udin

da Alessandro Di Giusto

Al è in gravis cundizions un om che cheste matine, in vie Umberto Selan, a Udin, al è colât di une altece di plui o mancul sîs metris e, intal impat cul teren, al è finît cuintri un ogjet metalic che i à causât une grâf lesion al adom.
L’om, di plui o mancul 60 agns, al è restât vitime di un infortuni sul lavôr, ma la dinamiche e je ancjemò sot investigazion de Polizie di Stât, rivade sul puest adun cun pompîrs e ai sanitaris.
A dâ l’alarme, clamant il numar unic di emergjence 112, e je stade une persone che e jere cu l’om in chel moment. I infermîrs de centrâl Sores a àn inviât sul puest ambulance e machine di emergjence mediche. L’om al è simpri restât cussient; al è stât traspuartât cu la massime urgjence, in codiç ros, al ospedâl Santa Maria della Misericordia di Udin. (ADG) -15.11.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui