Schirie clamadis – fraude tal Friûl ocidentâl îr tal dopomisdì. Il belanç al è di 11 tentatîfs falîts e un lât ben pal delincuent, magari cussì no. La fraude e je la solite: un om che al conte di jessi un carabinîr al clame la vitime, cuasi simpri un vieli, e al vise che e je stade fate une rapine doprant une auto che e veve il stes numar di targhe de auto de vitime e dopo al domande di consegnâ zoiis e bêçs come cauzion par sclarî la sô posizion.
Sîs tentatîfs a son stâts fats a Purcie, trê tra Cordenons, Çopule e Davian e altris trê a S. Vît dal Tiliment. Propit chi i fraudadôrs a àn rivât a freâ une femine di 64 agns daspò vê slontanât cuntune scuse l’om di jê, par dopo convincile a consegnâ dutis lis zoiis che e veve in cjase. (a.d.g.) – 21.04.2026
