Gnove alerte par aiaron in Friûl

E je stade molade une gnove alerte zale di bande de Protezion civîl, fintremai ae miezegnot di vuê, par vie des previsions dal timp che a proviodin su la mont aiar une vore fuart cun bugadis che a podaressin lâ a plui di 100 chilometris ae ore

Il brut timp al è causât di une grande depression che e sta batint Italie e Balcans su aiarons che a rivin dal Nord e che a podaressin butâ ju’ une vore di arbui. Lis previsions a fevelin di aiar fuart tra i 70 e i 90 km/h tra i 1.500 e i 2.000 metris di cuote indulà che a podaressin jessi ancjemò plui fuarts.

Bugadis fuartis plui tal bas fintremai ai 1.000 metris, intant che sot dai 1.000 metris no varessin di jessi. (a.d.g.) – 13.09.2024