Gnove alerte pal brut timp des 10 sot sere di vuê

E je stade pandude de Protezion civîl une gnove alerte pal brut timp che al sta par rivâ sul Friûl Vignesie Julie.

Des dîs di sere di vuê e fintremai dal misdì di vinars ai 20 di Fevrâr si spiete une perturbazion atlantiche cun corints umidis di sud e siroc.

Soredut joibe si spietin ploiis fuartis su la mont e su la culine e abondants sul plan e su la cueste. La nêf e je previodude parsore dai 800 metris di cuote su lis Prealps e plui basse, fintremai dai 400 metris intes valadis internis. E podarès jessi burascje su la cueste e aghe alte sot sere. (a.d.g.) – 18.02.2026