La Protezion Civîl e à mandât fûr un gnûf alerte meteo zâl che al interessarà de miezegnot di vuê al misdì di martars soredut lis provinciis di Udin, Gurize e Triest. Sul Alt Adriatic al rivarà Siroc che al soflarà ancje su la planure orientâl. Cheste situazion e fasarà la atmosfere tant umide e instabile.
A son previodudis su la zone ocidentâl e su la cueste ploiis di moderadis a fuartis. In mont e su la fasse centriorientâl de regjon ploie intense, plui continuade, ancje in forme di temporâl. Ploie probabile tant intense su lis Prealps Juliis e no si escludin ploie stazionarie fuarte ancje de planure udinese ae fasse culinâr orientâl.
Su la marine e soflarà aiar di Sud moderât o sostignût che al zirarà a Garbin di sere; aiar di Sudovest avonde fuart a cuote alte in mont. Burascjadis pussibilis su lis cuestis tra Lignan e Grau. Il brut timp al larà indevant ancje miercus di matine, cun aghe alte pussibile su la cueste. Ploie sparniçade pussibile in gjenar, plui continuade su la fasse orientâl, cun cualchi scjassade di ploie e cualchi temporâl. (a.d.g.) – 23.10.23
