50
I carabinîrs di Tisane a àn vût a ce fâ cuntun om di 33 agns une vore scalmanât vie pe gnot dai 15 di Jugn.
Intune strade tal centri dal paîs e jere stade segnalade une persone in stât di agjitazion une vore fuarte e cuant che a son rivâts par viodi ce che al stave sucedint, l’om ju à dât daurman cuintri tant di causâ lesions ai doi militârs de patulie.
Par cirî di parâsi e blocâlu i carabinîrs a àn scugnût doprâ il spray al pevaroncin. L’om che al è a stâ a Tisane al è daspò stât arestât par resistence a uficiâl public e par lesions personâls e puartat a cjase so, indulà che al spietarà di jessi judicât.
I doi carabinîrs che a àn vût a ce fâ cul scalmanât a àn scugnût jessi curâts par vie des feridis patidis. (a.d.g.) –
