Gnot di Far West a Udin

Gnot movimentade in centri a Udin dopo une gnove robarie al Ristorant Biffi, za cjapât di smire dai malvivents intai ultins mês. Doi forescj, un maiôr di etât e chel altri minôr, a son stâts fermâts dai oms des Volanti de Cuesture dopo un aventurôs inseguiment.
A scuvierzi cetant che al jere daûr a sucedi intal locâl al è stât il titulâr Diego Giordano che, sveât vie pe gnot, al à clamât daurman lis fuarcis dal ordin. Grancj i dams al locâl, in particolâr lì de jentrade. Tancj i poliziots intervignûts sul puest, che a an rivât daspò a fermâ i doi laris. (ADG) – 8.11.2022