Furgon plen di ram e açâl blocât de Polizie locâl dal Friûl di mieç

Une patulie de Polizie locâl dal Friûl di Mieç e à blocât un furgon plen di metai tant che ram, açâl e fier. I agjents si son metûts in suspiet cuant che il sisteme di leture des targhis tal teritori dal Comun di Codroip, che il furgon al jere passât denant, al veve visat che il mieç al lave ator cence revisione e assicurazion. Dilunc de ispezion dal furgon i poliziots a àn cjatât une vore di metai cence che al fos un document par spleâ di indulà che al rivave dut chel materiâl.

L’om che al vuidave il furgon, che al vîf inte Basse, nol è stât bon di justificâ la divignince dai metai e al jere ancje cence lis autorizazions ambientâls che a son previodudis de leç par cui che al tire su e al puarte ator refudons. (a.d.g.) – 16.03.2026