19
Un tubi dal gas che al è stât danezât par vie di lavôrs di sgjâf al à fat partî l’alarme vuê di matine, tor des 9.20 in vie Pietro Micca a Roncjis di Monfalcon.
Sul puest a son rivâts i Vigjii dal fûc di Monfalcon e Gurize, intant che i tecnics di AcegasApsAmga a sieravin la valvule che si cjate prime dal tubi rot. Par podê meti dut in sigurece, dutis lis stradis dongje a son stadis sieradis. Lis fuarcis dal ordin a àn invezit gjestît la viabilitât e a stan aciertant cemût che al è sucedût l’incident. (a.d.g.) – 02.10.2026
