Fuide di gas a Codroip, femine scotade a muse e braçs

Un ton une vore fuart al à sveât i vicins di cjase e al à provocât la colade di rudinaçs e la roture di cualchi puarte dentri di une vilute al prin plan dal numar 21 di vie Salvo D’Acquisto a Codroip. A causâ il sclop vuê di buinore tor des 5.45, une fuide di gas metan tacade intun camarin su la terace indulà che e jere la cjalderie. La proprietarie de abitazion, une femine di 60 agns che e vîf di bessole, e à patît ustions ae muse e sui braçs. E je stade socorude dai pompîrs e dal personâl sanitari rivât cuntune ambulance, che dopo le à puartade intal ospedâl di Udin. No sarès in pericul di vite. (a.d.g.) – 12.03.2024