I trê fûcs impiâts des saetis miercus passat su la mont dal Friûl a son ancjemò atîfs, ma a son tignûts sot control. A confermâlu la Protezion civîl regjonâl che e à visât che a vadin indenant lis operazions par distudâ i fûcs doprant elicotars e ancje scuadris a tiere.
Su la mont Raut a Andreis la scuadre alpinistiche dal Cuarp forestâl regjonâl a sta bonificant il teren judade des 8 di vuê di matine di un elicotar in graciis dal supuart dal grup comunâl de Protezion civîl di Andreis.
Ancje a Tramonç Disore su la mont Corda Piccola il fûc al è sot control in graciis dal elicotar che al à molât aghe cul supuart dai grups comunâi di protezion civîl di Travês, Pinçan e Secuals.
Ancjemò atîf il fûc su la spice dal Forât. Tra For Disot e Soclêf, ancje se tignût sot control. (a.d.g.) – 06.07.2026
