Îr sot sere a Pontêbe in vie Marconi al à cjapât fûc un cuviert. Lis flamis a son tacadis par vie dal suriscjaldament de nape e in pôc timp a àn cjapat dut il cuviert dal imobil di trê plans.
Tai prins doi plans a jerin a stâ dôs feminis di 85 e 87 agns che a àn rivât a scjampâ fûr prime che il fûc e il fum a jemplassin lis stanziis . Sul puest a son rivadis scuadris e autobotis dai Vigjii dal fûc di Glemone, Pontêbe e Tarvis, di la de autoscjale e dal funzionari di vuardie rivât dal Comant di Udin.
I pompîrs a àn cjatât lis dôs feminis par strade in spiete dai socors e a àn visat che dentri no a jerin a sta altris personis. Lis operazions par studâ il fûc a son tacadis daurman par blocâlu prime che al rivàs fin sot o a altris cuvierts e a son finidis tor des 6 e mieze di buinore. (a.d.g.) – 11.11.2025
