Fûc intune tensostruture tacade di un ristorant a Vildivar

Îr di sere bande lis 10 e mieze i pompîrs di Tisane, Codroip e Udin a son intervignûts a Vildivar, in vie Bassate, par studâ il fûc di une tensostruture instalade intune ativitât di ristorazion.

Lis flamis a àn provocât grancj dams ae struture e ai furniments, ma il pront intervent dai pompîrs al è servît a evitâ che lis flamis a tacassin ancje i locâi dongje. Sul puest i Carabinîrs di Tisane e Rivignan. (A.D.G.) – 17.03.2023