Fûc intune aziende di Siest

Alarme vuê di matine intune aziende de zone industriâl di Siest indulà che si è impiât un fûc. I Vigjii dal fûc rivâts di Pordenon a son rivâts daurman in vie Maestri del Lavoro cun cuatri scuadris e a àn tacât a distudâ lis flamis che a jerin tacadis tai implants de aree indulà che a son lis cjalderiis, che di li e jere tacade a saltâ fûr une nûl penze di fum. Par fortune il fûc al jere restât dentri des stanziis dedicadis ai implants e par chest nol à cjapat il rest dal edifici.

Daspò i pompîrs a àn parât fûr il fum doprant ventiladôrs speciâi. Lis causis dal fûc a son sot investigazion. (a.d.g.) – 26.02.2026