62
Intervent dai Vigjii dal fûc, intal centri di a Gurize, dongje dal municipi, vuê di matine tor des 9.40, indulà che si jere impiât il fûc intun apartament in vie De Gasperi.
A son stâts moments di pinsîr parcè che dentri si cjatavin dôs personis e i lôr cuatri cjans, che a son stâts daurman puartâts fûr e metûts in sigurece dai pompîrs. I parons di cjase a vevin respirât fum e par chest i sanitariis dal 118 che ju àn curâts daspò ju àn puartats tal ospedâl par controi.
Intant altris pompîrs a àn tacât a studâ lis flamis che si jerin impiadis inte sale. Par precauzion altri trê residents a son stâts fats jessi fûr. Sul puest ancje la Polizie di Stât. (a.d.g.) – 30.03.2026
