Un curtcircuit al à impiât un fûc, îr sot sere tor 11, intun apartament di Vie Comugne 3, te frazion di Salet a Morsan da lis Ocjis. Dentri, une femine di sessantevot agns, Rosalba Zanetti, cuant che si è inacuarte des flamis lis flamis e je scjampade sul puiûl e e tacât a domandâ jutori.
Une famee di origjine argjentine che e je a stâ al plan tiere dal condomini e à capît la gravitât de situazion e il cjâf di famee, Flavio Munoz, al è lat su daurman par judâ la femine che no rivave a jessi fûr dal apartament.
I pompîrs di S. Vît dal Tiliment a son rivâts tun lamp, ma a àn cjatât za fûr ducj i ocupants dal edifici e a àn scomençât a distudâ il fûc, che al jere za stât un pôc morestât cun seglots di aghe di Munoz.
Ducj i residents a son stâts puartâts tal ospedâl par vie da sintoms di intosseament: la femine di sessantevot agns che e reste ospedâl, la famee argjentine – un pari, une mari e un fi di cinc agns – e il vicin, che al è in stât di shock. L’apartament di Rosalba Zanetti, inabitabil, al è stât metût sot secuestri.
Sul puest ancje i carabinîrs de Radiomobile di Pordenon. (a.d.g.) – 16.01.2026
