41
Vuê di matine tor des 10.15 al è sclopât un fûc intun apartament di Staranzan, te localitât Strada della Colussa. Sul puest a son rivâts i Vigjii dal fûc di Monfalcon cul jutori di une autoscjale mandade dal comant di Gurize.
I residents tal apartament a jerin za jessûts fûr di bessôi e sigurats sul fat che nol fos dentri nissun i pompîrs a àn tacât a distudâ lis flamis, tacadis si pense intune cjamare di jet. Il lavôr dai Vigjii al à blocât il fûc prime che al cjapàs il cuviert dal imobil di doi plans e che al podès ruvinâ il locâl che si cjate sot. (a.d.g.) – 21.04.2026
