Fûc inte cusine di une pizarie a Pordenon

Flamis inte cusine de Pizzeria Mediterraneo tal cûr di Pordenon, intant che tor de une dopomisdì  il personâl al stave preparant il gustâ pal misdì.

Il fûc si è impiât inte nape di aspirazion e al somee che al sedi stât provocât dal vueli che si cjatave dentri di une machine par fridi, cu lis flamis che si son slargjadis ae svelte, fiscant ancje l’implant eletric.

Il personâl al à cirût di studâ il fûc, ma a àn scugnût clamâ in jutori i Vigjii dal fûc, rivâts sul puest cun cuatri scuadris. Personâl e clients a son lats fûr di bessôi dal locâl che si stave implant di fum, e no son ferîts.

La pizarie e je stade declarade inagjibil. (a.d.g.) – 22.04.2026