57
Tor des trê dopomisdì di vuê i Vigjii dal fûc di Spilimberc a son intervignûts par studâ il fûc che si jere impiât intal sotbosc a Clausêt, inte zone di Pradis di Sot, dilunc de strade provinciâl 57.
I pompîrs, judâts di un mieç a pueste rivât di Pordenon, a àn cjatât lis flamis che a stavin lant indenant in bande ae strade, ma il lôr intervent fat in sinergjie cul personâl dal Cuarp forestâl regjonâl al à permetût di blocâ il fûc e di studâlu, cundut che l’aiar fuart al à fat deventâ lis operazions plui fadiosis dal normâl. (a.d.g.) – 02.04.2026
