Fûc intal bosc a Scluse

da Alessandro Di Giusto

A van indenant lis operazions di distudament dal fûc boschîf svampât intal prin dopomisdì a Scluse. Sul puest, inte zone in prossimitât dal borc di Potocco, i volontaris de locâl scuadre comunâl alarmâts de Sale operative regjonâl de Protezion Civîl dal Friûl-Vignesie Julie. A dâ lôr un jutori ancje l’elicotar de Protezion civîl regjonâl jevât sù di Tumieç, che al è daûr a scjariâ aghe su la zone plui dificile. Sul puest a son impegnâts ancje i oms dal Cuarp forestâl regjonâl de stazion di Paluce e lis Vuardiis dal fûc.

No si cognossin lis causis dal fûc, ma al è almancul improbabil che a sedin naturâls. (A.D.G.) – 13.03.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui