Fûc forsit dolôs a Triest dentri di un garage

A son lâts dal dut disfats des flamis siet machinis e cuatri motorins che si cjatavin dentri di un garage a Triest.

Vuê di matine tor des 4 in vie Grego cualchidun al à impiât il fûc che al à cjapât dentri undis mieçs parcâts dentri de rimesse dal comprensori des cjasis dai Puffi, un complès Ater une vore ruvinât.

No je la prime volte che a impiin il fûc, ma di solit a vignivin cjapadis machinis bandonadis, ma cheste volte a jerin ancje mieçs bogns.

Sul puest a son rivâts i Vigjii dal fûc di Mugle che a àn distudât daurman lis flamis. Sul fat a stan investigant i agjents de Polizie di Stât. (a.d.g.) – 15.12.2025