46
Tor des sîs sot sere di îr i Vigjii dal fûc a son intervignûts a Pordenon intal parc Galvani, indulà che un piçul di doi agns al jere restât blocat cul cjavut dentri de fereade che e delimite la aree pai zûcs.
Cuant che a son rivâts il piçul al vaìve disperât cul pari che al cirive di cuietâlu. I pompîrs a àn tacât daurman a smontâ la fereade e intant a fevelavin cul frutin di ce che a stavin fasin che cussì si è calmât e al è restât fer.
A pene liberât il piçul al è tornât di corse a zuiâ come che nuie al fos, intat che il pari al ringraciave i pompîrs che a àn completat l’intervent metint a opuest la fereade come che e jere prime. (a.d.g.) – 08.09.2026
